Сәкен Сейфуллин атындағы орталық кітапханасында 19 наурыз күні Ұлыстың ұлы күні Наурыз мейрамына орай «Наурыз- тіршіліктің бастауы, жаңа өмірдің нышаны» атты кітап көрмесі ұйымдастырылды.
Көрмеде қазақ халқының салт-дәстүрлері мен мәдениетін бейнелейтін шығармалар, көне түркі мұралары, сондай-ақ Наурыз мерекесінің тарихы мен маңыздылығын ашатын әдеби және ғылыми еңбектер ұсынылды. Оқырмандар табиғаттың жаңаруын, адам мен табиғаттың үйлесімін жырлаған ақын-жазушылардың туындыларымен танысу мүмкіндігіне ие болды.
Іс-шараға №1, №4, №25 орта мектеп оқушылары және Сервис-технологиялық колледжінің студенттері қатысты. Қатысушылар халқымыздың рухани құндылықтарына терең бойлап, Наурыздың тіршілік пен бірліктің бастауы ретіндегі маңызын сезінді.
Бұл көрме оқушылар мен жастардың ұлттық мәдениетке деген қызығушылығын оятып, тарихи танымын кеңейтуге зор ықпал етті.
|
